周中英超加開快車，有較熟悉的球隊出戰，又係波友「博大霧」嘅好機會；熱刺上周六輸得肉酸，今次回師主場，應該有另一番睇法，貴價前鋒貝碧托夫對住錫菲聯後防，是開齋良機，貝碧托夫首名入球可作膽。
其實賭熱刺首名入球都幾好賭，因為佢哋中後場入到波球員唔多，數糊責任通常集中喺前鋒，貝碧托夫屬柱躉形，正選機會預料比兩位老鼠仔廸科爾同羅比堅尼高，賠率相若，當然選貝碧托夫啦。周二另一場英超，可以博屈福特同韋斯咸兩支倫敦兵合力締造4個入球，選總入球4球。兩隊開咧首仗，已不約而同開大；既然韋斯咸上仗聯賽已開個3:1波膽，不如再追多次4個入球，都有6.1倍。
雷丁半場反勝夠冷
周三就先推介個大冷嘢畀大家，博維拉半全場開主/客。維拉上仗作客打和阿仙奴，但並唔係打得好好，只係一次死球成功偷雞，然後死守，講真維拉個門將蘇連遜，就俾唔到信心球迷；上季英冠冠軍雷丁果然名不虛傳，上次落後兩球畀米杜士堡，都可以反敗為勝3:2，講真球迷買波，都會揀隊有戰意有入球能力的，輸一球都有機會反先嘛，雷丁咁有戰意，一於博佢半場先輸，下半場反勝，34倍好和味。如果3關有幸全中，40蚊買收番萬三蚊㗎。文：牽牛