英超第一輪賽事，利物浦同阿仙奴都令大家輸錢，首先喺度講句唔好意思，兩隊波仲要都係先失球嘅一方！
本來呢幾日有佢哋踢歐冠盃外圍賽，不過都唔係咁有信心，事關佢哋喺第一回合已經領先咗，呢場波只要唔輸就晉級，可以留力下輪聯賽，所以唔敢貿貿然去馬。
唔賭呢兩隊紅衫球隊，仲有另外兩支紅衫隊可以玩：就係AC米蘭同曼聯。先講貝爾格萊德紅星對AC米蘭嘅歐冠盃外圍賽；首回合AC在主場僅勝1球，今次作客壓力都唔細，但慶幸的是隊內唔少有世界級球星，善於處理逆境波及面對壓力。現時立博開出的賠率比較看好客勝，但大部份公司都不斷調低和局賠率，最新為3.1倍，亞洲盤AC讓半/一。估計AC不敢貿然打進攻足球，打和出線其實都是一件好事，不如冷選和局或下盤。
曼聯讓一球照殺
另外英超賽事，查爾頓對曼聯，就要捧紅魔鬼嘞；曼聯上仗主場大勝富咸5個1皮，取得近年開季最好成績，今次作客查爾頓，戰意不用懷疑。不利消息是朗尼及史高斯停賽不能上陣，但沙夏、基斯坦奴朗拿度都有好狀態，對賽成績亦良好，心理上不會有太大擔憂，後防亦能給人穩健感。難怪立博初盤已開出讓一球低水，不過求曼聯作客贏多於一球，寧願捧1.5倍客勝較佳。
謝利
立博亞洲區首席博彩顧問
電郵：[email protected]