又講老麥？無計，呢期老麥真係多事之秋，前幾日先有網友狠批麥記加價，可能為咗挽留顧客，麥記喺上星期四推出8款廉價下午茶餐，每款賣$12或$14，周一至五2:30pm至5:30pm供應，茶餐包食物同飲品各1款，選擇有麥香雞、雙層芝士漢堡或脆香雞翼等等，比平日嘅套餐少一份中薯條，但計落平30%，到底抵唔抵？網友又點睇？
Miskay好鄙視咁話︰「懶係抵……一加咗價驚無人幫襯就整啲下午茶。」Hellui445仲刻薄︰「M記啲垃圾食物，唔好話$14，平啲我都唔要，更可況我唔覺佢平咗……」網友280200幫大家計埋條數︰「個包$8，杯嘢咪即係要$6……原本散叫咪好似差唔多……」Biscuits031400︰「個Tea食咗會好似無食咁，12蚊一係食Pie，一係漢堡包，一係薯條，一係兩隻雞翼，樣樣嘢食都係Around5蚊，其實散叫再返屋企搵嘢飲咪仲抵……」講真麥記咁大個國際集團，肯推出下午茶餐算畀面，都係嗰句，嫌貴咪唔好食囉！
網址︰ http://www9.discuss.com.hk/viewthread.php?tid=2103448&extra=page%3D1