報紙傳媒間中會以「無良僱主」嚟形容欺壓工資嘅老闆，身兼勞工顧問委員會僱主代表委員同工總副主席嘅劉展灝話，睇見呢啲新聞都覺得唔舒服，話工總要積極推動企業公民責任。
佢噚日同傳媒午宴，話雖然唔同意為最低工資立法，認為會打擊本港作為自由經濟社會，不過佢另有建議，就係勞工及僱主之間自發性簽訂工資約章，特別係針對清潔及保安最常被報道有欺壓工資情況嘅工種，由雙方訂下按市場價格之工資水平，參與僱主可以給予優質僱主等認證以資識別。
初步唔贊成銷售稅
佢又講到，政府諮詢中嘅商品及服務稅，該會初步反應贊成嘅唔多，他估計商界涉及嘅行政費用，遠高於政府嘅數倍；佢認同政府需要擴闊稅基，但可在其他方面開徵離境稅等方式進行。