運輸署資料顯示，去年長青隧道共有四宗交通意外，沒有致命意外發生。香港汽車高級駕駛協會副主席蒙海強指出，長青隧道南行路段，每天早上有重型車輛行駛。「所謂最安全嘅地方就係最危險嘅地方，肇事司機係職業司機，條路一日行幾次，行到熟晒，對於突發嘅意外警覺性會低啲。」
「後面架車睇到你」
要安全駕駛，蒙海強認為駕駛者應跟前面汽車保持兩秒距離，如果落雨就應該保持三、四秒距離。此外，司機入隧道前應亮燈，「入到隧道通常會暗一暗，着咗啲燈，司機可以睇得清楚啲，着晒車頭四盞、車後三盞，咁後面架車都可以睇到你。如果有時間，可以着埋四角閃燈（俗稱死火燈），將危險話畀後面個司機知。」
對於長青隧道車禍，網友們議論紛紛。網友「機械佬」說：「今朝我搭960，過咗汀九橋一陣就塞晒…前後用咗兩個半鐘由屯門去港大。」網友「我是一個人」在車禍後駛經現場：「見到真係撞得幾勁吓…撞車主要原因係較早前喺三號幹線快線撞過車，成段路慢車。清理好重開後，啲車跟得又太貼，一耷就炒。」