樂壇新人、中日混血兒和田裕美剛滿18歲，雖然在今年會考中只得零分，不過她已收拾好心情闖娛樂圈。日前她穿上小背心和短裙拍照，青春無敵的她勝在有點唱歌天份，這也是她的最大本錢。
中日混血兒和田裕美雖然在今年的會考中得零分，成績一敗塗地，但就甚有音樂天份，14歲時曾憑演唱許美靜歌曲《城裏的月光》在港台舉辦的「全港普通話歌唱大賽」中，勇奪最佳外觀獎和最具潛質獎，成為三料冠軍，她日前穿上背心、短裙在沙灘拍照時說：「其實嗰時同埋兩個朋友一齊參加比賽，我都冇諗過自己可以得獎。」
似阿Sa夢夢
入行前，和田裕美多次被別人誤認是蔡卓妍（Sa），她說：「試過俾人認錯係阿Sa同戴夢夢，又俾人話似梁詠琪，我梗係唔介意，不過都會話『唔係啩，佢哋靚我咁多』。」
和田裕美曾憑卡通片主題曲《魔球小仙女》奪得十大兒歌金曲，其首張個人唱片有望在年底推出，她說：「好開心，最近有新歌派台，𠵱家不斷錄歌籌備新碟，平時都有學跳舞，最近又參演舞台劇，飾演一個成日鬧人嘅怨女，公司都畀咗好多機會我。」
和田裕美跟母親居於香港，其日籍父親就獨居日本，她說：「我鄉下喺茨城，即係千葉附近，嗰邊生活比香港悶，我爸爸因為工作，所以留喺日本做嘢，我大部份親戚都喺香港，鍾意呢度嘅生活多啲。」
採訪：卓美娟 攝影：陳俊強
髮型：StoneChengofChin.G
服裝：SurferGirl
