倪匡昨日到港台接受甘國亮主持的錄影節目訪問，大談「風流」。倪匡自稱既不風流也不是才子，反而兒子倪震勉強是個才子，他說：「風流唔止係話男女之間嘅事，同人哋唔同又好突出嘅都算係風流。」最近有傳聞指倪震背着女友周慧敏力追陳穎妍，倪匡說：「雜誌寫嘅嘢都信？佢同Vivian（周慧敏）非常好，Vivian係個好好嘅女仔，又乖又叻又靚，冇缺點。佢兩個生唔生仔都唔關我事，佢哋鍾意啦！」問倪匡是否已認定Vivian是新抱時，他說：「當然認定啦！有得選擇咩？千祈唔好再搵。」
此外，港台特別設計了一個外星人版的倪匡送給他，幽默的倪匡笑說：「地球版嘅倪匡已經好醜喇，點解太空版仲醜樣㗎？好彩𠵱家唔使去外星啫！」
採訪、攝影：王連連