超人系啲公司陸續派成績表，噚日輪到TOM仔，成績如何？只可以講，由實幹型兼數口精嘅麥太（即係孖T姐湯美娟）主理之下，成間公司正慢慢執正，幾瓣業務假以時日都應該有睇頭！
不過，雖然新人事新作風，點都不能不提前掌舵人王兟，無他，淨係講佢哋個staffcost，由舊年同期嘅3500萬減到2600萬，減咗26%……雖然麥太話唔係淨係因為兟哥仔一個人嘅關係，但全香港都知，佢以前收超人同周小姐成2000幾萬一年！
咁講番TOM仔啲業務，實幹型麥太實在係好實幹，所以唔到做到嗰刻都唔會亂吹，即將發生嘅暫時都只係一年一度嘅ChinaOpen，講開呢個網球比賽，麥太噚日話佢哋搵咗4A精英RichardLee入TOM仔睇住瓣體育業務……唔使驚，此Richard非超人乖仔RichardLi，bytheway，二少就算點有型，都唔會咁樣曲線去幫老竇手啦！