劉以達昨日到新城接受訪問，並順道宣傳他的新樂隊達與璐，他透露樂隊將於10月推出新碟，至於有報道指他將簽陳海琪為經理人，他則大賣關子表示仍未可以透露，並笑說：「下次講畀你聽，我同𠵱家嘅樂隊有共識，大家有傾有講，唔會只係佢話事，有佢講冇我講，咁只係扯線公仔。」擺到明是在揶揄黃耀明。
怕被指𢱑撈
對於明年達明一派和軟硬的演唱會是否如期舉行，劉以達表示仍未有人聯絡他，他會考慮商台的誠意及價錢，他說：「我想玩㗎，但係佢哋態度咁激烈，真係『嚡』一聲，總之嚟緊會睇吓對方點樣，唔通我打畀佢咩，咁好似𢱑撈同等錢使喎，香港係言論自由嘅社會，之前我接受周刊訪問，有10%雜誌誇少少，但有90%係真話，我講真話，但成個騷就冇得做，真係好小器（指商台）。」他更直言新樂隊相信不會得到商台的宣傳。
採訪、攝影：駱華齡