阿仙奴球員近年轉到西班牙發展，真係多災多難；今季先由阿仙奴轉到西甲維拉利爾嘅中場皮利斯，上周五喺球會對卡廸斯嘅友賽受傷，結果證實左膝十字韌帶撕裂，今季睇嚟都唔使預佢；記得上季伊度由阿仙奴轉到華倫西亞，又係傷足大半季。睇嚟亨利應該慶幸今季冇從阿仙奴轉到巴塞隆拿。