上網，發現網友LAULIU99問咗個儍仔問題：「八蚊盒燒味飯夠唔夠膽食？」話說佢喺大埔大元邨街市，見到兩檔燒味店嘅雙拼飯賣$8一盒，加多$1仲有罐汽水送，佢自己就話唔敢試。點知大部份網友反問：「點解唔夠膽食？」carolkuen先撐：「我成日都食㗎，好抵食，仲ok好味㖭，相比一啲唔係專業整燒味嘅有過之而無不及！！！」之後鬧：「你見人平又話唔夠膽食，如果人地（哋）貴番少少又話不如去餐廳……人哋好慘㗎，每個飯都係賺得好微！」的確，平，啲人又話怕，貴，又嫌人哋貴，計我話呢，一分錢一分貨，$8一碟雙拼飯，就算唔好味都叫做醫到肚啦，何必咁巴閉話唔敢食吖！
http://www.uwants.com/viewthread.php?tid=2340092&extra=page%3D3