無綫昨日安排一班女藝人到紅館，趁世界女排大獎賽作賽的空檔，攝位落場打波，前中國女排成員孫玥也有助陣，比眾女星更受歡迎。眾女打波亂哄哄，自言曾在校隊負責發球的沈囗婷開波不過網，母親是排球校隊的朱凱婷也打得極差，只有袁彌明最有板有眼。
世界女排大獎賽2006香港賽站昨日已經順利完成，無綫安排了一班女藝人組隊到紅館打氣兼打友誼波，本來打算在阿塞拜疆對泰國的賽事後作賽，誰知該場比賽超時，於是只好趁中國對俄羅斯的第二局賽事結束後，於休息的五分鐘時間內攝場打波。
孫玥最受歡迎
袁彌明、朱凱婷、姚子羚、楊秀惠、李亞男及沈囗婷組成無綫女藝員隊，由前中國女排成員孫玥助陣，而露芙、鄧穎芝、戴夢夢、李思雅、鍾煌及陳汶靜則組成女子明星排球隊，有香港沙灘排球代表謝穎紅出手相助，賽事沒有計分，純粹友誼賽，不過現場卻數孫玥最受歡迎，眾女開波前先來大合照，鄧穎芝已醒目地攝位以手機和對方合影，而每當孫玥打球時，現場觀眾都報以熱烈歡呼聲。
女藝員們上場時大都打得亂七八糟，只有打了十年排球校隊的袁彌明最有板有眼，最差的是朱凱婷，她打法求其又驚青，而自言在加拿大讀書時，是排球校隊發球機器的沈囗婷，昨日開波卻全不過網，十分搞笑。
袁彌明顯實力
袁彌明接受訪問表示自己當年在校隊是大槌手，她說：「孫玥係我大偶像，見到佢好開心，我十幾歲就睇佢打波，佢個樣好甜，如果我唔係做呢行，都冇機會同佢喺同一個球場上打波。」
朱凱婷表示其母有到場打氣，她說：「我媽媽以前係校隊，都有教過我點打。」對被指亂打球，她說：「我隻手唔夠力呀，我向上傳，都ok㗎，過到網已經好滿足。」
採訪：卓美娟 攝影：陳偉權
