「原來屬於記憶裏面啲嘢可以咁快冇晒……」為了保留面臨清拆的中環天星碼頭鐘樓，為了捍衞記憶中的往昔景物，一名少女昨日在鐘樓旁用右手舉起一個舊時鐘，5分鐘、10分鐘、15分鐘過去了，少女的手臂開始顫抖，額角豆大的汗珠一顆一顆從臉龐落下，少女堅持着，抗議當局計劃拆除承載着香港人歷史和記憶的鐘樓。
本港一批年輕藝術家昨日下午齊集天星碼頭，以不同的藝術表演方式，反對當局計劃清拆鐘樓，然後近百人浩浩蕩蕩遊行到政府總部抗議。
其中24歲女孩蔡芷筠說：「我自小喺石梨貝長大，搬走半年後我重返舊居，赫然發現成條邨俾人鏟平晒。原來屬於記憶裏面啲嘢可以咁快冇晒，但我唔想成長嘅痕迹俾人隨意攞走。」
定要說出心底話
為了表達「時間、重量……比想像的更沉重」的意念，蔡芷筠舉起一個舊時鐘長達20分鐘，整條膊胳痠痛到不得了。「香港上一代好多都係移民，本來就唔容易有自己嘅歷史，呢啲嘢唔可以冇咗，我一定要將心入面嘅話講出嚟。」
斥官員自毀歷史
她又稱：「我讀過三間小學，次次都係讀讀吓話要轉校，然後『母校』就俾人拆咗，兒時全部景物都惟有靠記憶來記住。有時我喺度諗，我哋做乜要留喺度呢？呢度都冇根嘅！好似美國911嘅民族衝突都係將敵方地標炸毀嚟表達強烈不滿，點解我哋政府啲官員會自發咁摧毀屬於我哋自己嘅歷史、時間同回憶呢？我唔明白。」本報記者