一早都話多元化發展，無論係對人定係公司都係件好事；好似日本Honda咁，佢哋造私家車和電單車都已有多年歷史，先前更造了名為ASIMO嘅機械人，實行改變世界咁話；先唔好理佢哋成唔成功，但嗰份毅力確實叫人佩服得五體投地。最近，廠方決定向空中進發，實行連飛機都造埋；原來早在20年前，Honda嘅R&D部門已經開始進行關於製造飛機嘅研究，設計隊伍在首席工程師MichimasaFujino先生帶領下，不停進行研發工作，直至3年前開始正式試飛。
到咗今日，設計隊伍終於得到成果，名為HondaJet嘅飛機終於成功升空，大家都感到高興嘅同時，廠方也在今年8月8日，喺美國北卡羅來納州格林保羅市內嘅研究基地內，成立HondaAircraftCompany，MichimasaFujino先生更被委任為該公司嘅CEO，同時又公布HondaJet在2010年正式投產，實現大家嘅飛天夢。
記者：鄭達基