42歲的阿棠自患有骨膜發炎後便沒有工作，今年3月更因一場火災失去家園，經房署安排調遷及蘋果日報慈善基金的幫助下，現已獲調遷至同邨另一個單位展開新生活。
阿棠早前曾因右腳麻痹變得不良於行，入院檢查才得悉自己出現血管閉塞，右腳部份腳趾已因血管閉塞而壞死，記者日前再前往探望，見他的右腳腳趾已較個多月前探訪時好，但他表示，醫生指只能待壞死腳趾自行脫落，暫不考慮施行手術，才令他鬆了一口氣。
有智障妹需照顧
「我其實都好怕做手術，怕醫生同我講要切咗隻右腳。如果真係要切咗隻右腳，我諗我真係可能接受唔到。」
獨居於橫頭磡邨的阿棠，有一名智障妹妹需照顧。他的兩名兄長已成家立室，與他們甚少來往。現時只有契媽一個親人會關心他，故他契媽的父親早前病重，他亦擔心年紀不輕的契媽疲於應付及照顧。
但阿棠表示，其契媽的父親早前終不敵病魔而去世，健康欠佳的他又未能幫助甚麼，只能從綜援金中撥出部份助她殮葬亡父。他說：「我契媽對我好好，但我一直攞綜援金，真係冇能力，惟有幫佢少少，自己生活再繃緊啲都唔緊要啦。」
記者日前把讀者善款1,300元轉交予他，助他解困。「真係多謝晒啲讀者，我一直以為除了我契媽外唔會有人關心我，點知原來仲有人對我咁好。我會好好運用筆錢，我初步打算用嚟買二手電話同埋雪櫃。」
捐款編號：C1983