前德國國腳贊卡加盟上海申花後表現麻麻，直到上周六聯賽對瀋陽金德之戰，終被在場記者選為今場最佳球員。不過足協官員同申花都對記者選出贊卡為最佳球員感到奇怪，因為佢喺比賽中攞紅牌出場，所以決定褫奪最佳球員名銜，難得贊卡有表現攞獎，最後因為一張紅牌連安慰獎都無埋，認真慘情。