香港這個彈丸之地，車貴、油貴、泊車貴，電單車普及是理所當然，所以近年來大c.c.的綿羊款式也愈出愈多，眾多選擇下取其所愛，的確有難度。不過，時下綿羊不再是老老套套用來代步，好像SuzukiSkywave400iS的房車無匙系統，不但是噱頭，還可恫嚇賊仔。
記者：Marco
攝影：譚盈傑
遙控開車等同原廠防盜
SuzukiSkywave400iS棄用舊有的插匙式啓動引擎，改用遙控車匙，將私家車的無匙系統帶入電單車內，在400c.c.級別車上還是第一次。
「遙控開車真係好方便，首先唔需要為插匙而煩惱，好似喺夜晚咁，如果泊車的位置燈光唔夠，就要摸黑開車比較慢，又或者一個唔好彩落起雨上嚟，要開車都幾麻煩㗎！但係有咗遙控，問題就可以迎刃而解。」
除咗有以上嘅方便，最好係唔怕有偷車賊光顧，佢睇到你架電單車係無匙孔，咁佢想偷都無計啦，其實係個好好用嘅防盜方法。」
包圍更合年輕人
上一款的車身造型已很前衞，而新款Skywave400iS更在外形上作出改良，由車頭擾流器、車身兩旁，以至座位和尾燈也是全新設計，尤其一雙炯炯有神的頭燈，令整部車看起來更有活力、更前衞，電鍍倒後鏡也是新加的，如配上黑色的話，還多了一份莫名神秘感，「顏色方面有彩藍、珍珠白和黑色。如果要Sharp就一定係藍色，不過講到型就非黑色莫屬啦！」靚女家琪也忍不住說一聲……Cool！
儲物量大 兩頂頭盔無問題
雖然座位設計是改平了和修窄了一點，但下方的儲物空間仍算大，放下兩頂「大頭佛」也絕無問題，還有空間放下少量雜物；而車頭兩旁的小型儲物間可給散銀和細小雜物有安身之所。
「我咁細粒坐上去，後面坐多兩個人都得，雖然個座位好好坐，但係咁大架車對女仔嚟講會唔會好難控制？」其實相對之下男仔係會好啲，特別係車重方面比舊有還多了幾kg，另一方面嚟講，穩定性亦都高啲。
女仔揸呢部大綿羊，起碼唔會咁容易比亂流影響到，因為女仔本身已經唔重，再加上一架細c.c.的綿羊仔，高速時會輕飄飄咁。
馬力線性化「馴」
上一款Skywave要到60km以上才感覺到馬力，而新一代在這方面確實改進很大。起步時有種源源不絕起動力，但唔似Racing車種咁突如其來，非常線性，低轉或高轉數上都很平均，扭力方面也比舊款好，就算坐兩個成年人仍是要幾多有幾多。
制動由原本頭單碟改為雙碟，以前有人話唔夠「收」，所以廠方主力加強，連後輪制動也加大了，這部亦是頂級S版，所以喺外觀和實用性會強好多。
SuzukiSkywave400iS規格
引擎：399c.c.四衝程水冷DOHC
4活瓣單汽缸
馬力：34ps/7,300rpm
扭力：3.47kg-m/6,000rpm
車架：高拉力鋼管搖籃式車架
傳動；無段式自動變速，皮帶傳動
查詢：泓廸電單車中心
（25665180）
出車資料
售價：$59,800
首期：$5,980
利率：8%
每月供款：$1,854×36期（以上數據僅供參考）