木村拓哉同工藤靜香向來非常恩愛，不過最近有本唔係好有公信力嘅雜誌指兩公婆近排出現問題，話木村因為唔滿意靜香想留喺藝能界發展，搞到近排好少返屋企，又好少同兩個女出街玩，仲話見到木村同第二個女人行街㖭。事實上木村早前先被狗仔隊拍到同老婆囡囡溫馨逛街，靜香近排冇乜活動，專心湊女，睇嚟夫妻不和嘅可信性唔太高。