$3,000靚半年　冇紋冇老

如果年齡係每個女人嘅秘密，咁皺紋就一定係女人嘅天敵。即使一個幾靚嘅女人，都會有年老色衰嘅一日。的確，如果有一日起身發現自己嘅皺紋靜悄悄走出嚟，咁你就一定要留意以下介紹嘅快速去皺方法：Botox（肉毒桿菌素）和Restylane（透明質酸），令自己重拾青春。
記者：陳穎欣　
攝影：林栢鈞　
Model：Helen&Wavy@Salvador

動靜不同

好多人都聽過打Botox和Restylane去皺，但究竟有乜唔同？其實兩種都係快速去皺法，要用邊種就先要了解自己出現嘅係乜皺紋。皺紋分為兩種：靜態紋與動態紋，靜態紋係就算肌肉唔郁都會皺起嘅紋，屬永久性，如苦紋、眉心紋、魚尾紋及額頭火車軌等，一般屬年長人士的問題。動態紋即表情紋，當肌肉郁動時才出現嘅皺紋，如笑紋、眉心紋及魚尾紋等。知道自己嘅皺紋屬邊種後，就可以對症下藥。

Botox動態紋剋星

Botox即「肉毒桿菌素」去皺針，係一種令肌肉放鬆至暫時不能收縮嘅藥物，多用於去除動態紋。由於動態紋係肌肉收縮時才浮現，只要令肌肉唔再收縮便可。由於Botox只會在打針位置發揮藥效，唔會經血液循環或影響其他部位，所以十分安全。一般專業整形醫生可以提供這種服務。

■唔少名媛阿太都有打Botox去皺。

副作用：注射後出現嘅紅腫可在2-3小時後消除並發揮功效，1星期左右便可見明顯去皺效果。
功效維持：4-6個月
注意事項：孕婦、長期病患者及對藥物敏感人士不宜注射。
收費：每個部位收費約$3,000-$4,000，需時約30分鐘。

注射過程

1.醫生會先向客人解釋療程、注射位置與風險。

2.客人明白後便須簽同意書接受注射。

3.醫生小心翼翼地為需要放鬆嘅肌肉群上注射。

即時效果
4.皮膚有啲紅腫，眼尾紋還未消失。

魚尾紋變化　注射前
■笑時魚尾紋又走晒出嚟。

眉心變化　注射前
■因成日皺眉，搞到眉心紋深到成條坑咁。

注射後
■無晒眉心紋，人都開心啲啦！

注射後1星期
■紅腫皺紋無晒，真係重拾青春自信。眼尾點笑都無魚尾紋。

Restylane踢走年老靜態紋

Restylane即透明質酸皮下注射治療，由非動物性呈啫喱狀透明質酸組成嘅天然物質。佢透過增加皮下組織表面容量，將皮膚凹陷部份（即皺紋位）充脹，令皺紋即時撫平。Restylane會適應周圍細胞，喺人體內分解，隨時間和新陳代謝自然地被分解吸收而消失。這種透明質酸已獲美國食品及藥物管理局（FDA）及歐盟（CE）批准使用，誘發過敏情況極少。