「樂施毅行者2006」將會喺11月10日至12日舉行，由西貢行到屯門（麥理浩徑），全程100公里，噚日嘅簡介會就有成600幾人到場，認真墟冚。
今年已經係毅行者銀禧紀念，所以定出「地球天天轉，信念沒改變；毅行25年，從未怕路遠」為主題。今年參加隊數高達1,040隊（較去年多140隊），其中包括50支「超級樂施毅行者」隊伍，目標係籌得港幣2,000萬元。
毅行者嘅善款主要係用喺本港、中國大陸，同埋亞洲、非洲國家嘅扶貧救災工作。過去嗰25年，一眾毅行者走過嘅路，加起上嚟竟然可以環繞地球100個圈，真係好犀利！八方喺度都想幫參加者打吓氣，要行成100公里真係唔係人人做得到。