服緊兵役嘅韓國筋肉歌手金鐘國，上星期二趁休假，同100名fans去江原道嘅鄉下地區，協助當地受水災影響嘅村民重建家園同埋收補農田。善心滿載嘅金鐘國同fans籌咗筆善款，用嚟買農田嘅薯仔，再轉送畀慈善機構。當日天氣非常炎熱，但fans都覺得活動好有意義。唔知金鐘國係唔係睇咗緋聞女友尹恩惠齣新劇《葡萄園的那個男人》，先至有去田園工作嘅衝動呢？