美女廚房效應繼續蔓延！名模陳沛嘉（圖）同CaraG.等噚日齊齊喺又一城整雪糕新地，陳沛嘉着住件低胸小吊帶背心，俯身拎杯挖雪糕，搶盡風頭，雪糕未整完，來賓已經大吃冰淇淋，陳沛嘉話：「唔係好性感啫，為咗配合意大利雪糕意式風情，我貼晒膠紙啦！」 問陳沛嘉點睇近來模特兒界多人爭位，是非多多，佢就話：「幾好呀，model明星化，新聞多，仲可以多啲曝光率㖭！」