藝人愛以改名來幫助轉運，但根據堪輿學家蘇民峰表示，在根據出生年、月、日和時間，出生季節，加上日本流行計算吉數、凶數方法來改的名，他認為對運勢毫無作用，他說：「我成日都話改名係冇用，我覺得藝人改名最重要係好聽唔好聽、容唔容易記得，改名其實都係欺騙自己嘅做法，好似B嫂（編按︰原名章小慧、後改名張蓉舫之後又改作張瑄桐，最後再改回章小蕙）咁，幾十萬搵啲神算改名，其實人生係會否極泰來嘅。」
蘇民峰續說：「我成日都覺得一命二運三風水四積陰德五讀書，一同二係命運，注定嘅冇得改，風水就係居住嘅地理環境，積陰德就即係要做好事，讀書就可以令你人生改變，例如係可以改變你嘅生活水平。」