姚嘉妮前晚在旺角一間酒吧餐廳出席比堅尼之夜，現場有三位性感比堅尼女郎繞場一周表演，位位樣靚身材正，看得酒客們𠵱嘩鬼叫，連姚嘉妮都不停拍手，只以露腰裝亮相唱歌及玩遊戲的她，相比下沒甚看頭。
裸曬益侍應
姚嘉妮大方笑謂：「好彩今日自己冇着泳衣，我驚嚇走晒啲人。我睇到都熱血沸騰，佢哋好弗，我都拍晒手，着泳衣唔使太大胸，最緊要襯到健康膚色，肌肉結實，咁先有線條美。」
姚嘉妮又嫌自己身高只得五呎六吋不夠高，最好有五呎八吋或以上，她表示自己也常穿比堅尼，在外地的海灘還會裸曬，她說：「有次喺泰國一間有室內私家泳池嘅酒店裸曬，咁啱有個侍應入咗嚟，好彩佢唔係香港人，冇咁尷尬。」
採訪：卓寶花 攝影：仇志德