荷李活巨星湯告魯斯(TomCruise)與姬蒂荷姆絲(KatieHolmes)今年4月誕下女兒Suri後,一直未讓女兒曝光,與兩人過去一年高調大晒恩愛的作風截然不同。近日有消息指靚佬湯的女兒天生兔唇兼有大胎痣,與王菲和李亞鵬的囡囡李嫣同病相憐。
姬蒂荷姆絲於今年4月18日為湯告魯斯誕下愛女Suri後,從未讓女兒曝光,攝影師只曾遠距離拍攝Suri於父母大宅內的照片。
終日以淚洗面
今次靚佬湯與姬蒂收起女兒足足四個月,與另一對荷李活情侶畢彼特(BradPitt)及安琪蓮娜祖莉(AngelinaJolie)賣女兒相片予圖片社的做法大相逕庭,故此惹來不少揣測。近日有消息人士大爆Suri有兔唇,甚至臉上長有大片深紅色胎痣,靚佬湯在未治癒女兒之前,只好不讓她與影迷見面。
據美國雜誌《NationalEnquirer》報道,姬蒂於產前曾服用藥物,因此誕下兔唇女兒。當Suri出生後,姬蒂終日以淚洗面,又經常因此事與靚佬湯爭吵,令兩人的感情陷入危機。
雖然於報道刊登後,靚佬湯即透過發言人否認事件,但與他昔日經常大興訴訟的做法有異。其身邊好友也力撐靚佬湯,指兩人不讓女兒曝光,只因兩人篤信的科學教派不主張讓初生嬰兒示眾。
另邊廂,靚佬湯自女兒出生後少有與友人見面,彭妮露卻是少有見過Suri的人,早前她大讚Suri是「世上其中一個最漂亮的嬰兒」,但消息人士指今次靚佬湯女兒Suri有兔唇的消息傳出,其實是彭妮露放風。
影迷寄予同情
不少影迷得悉事件後,對靚湯佬大感同情,直指揭發事件的傳媒無恥,但有影迷則認為Suri有缺陷,或可令人同情靚佬湯及姬蒂,令兩人的人氣回升。
有指靚佬湯與姬蒂父母的關係一向麻麻,原來姬蒂的父母於Suri出世後,只曾於電郵看過孫女的長相,未曾真正探望Suri,令人嘖嘖稱奇。