最近新聞講外國有個女人，在高達30多度嘅室外，用車廂嚟焗曲奇餅，由此可見，將架車泊在極度高溫之下，車身熱度可以拍得住個焗爐。今年香港的夏天又係好熱，將架車泊喺街，情況同焗餅差唔多。試諗吓，當你將架車泊在30多度高溫下，被太陽勁曬一個鐘，車身已經好似火爐咁，可用嚟煎隻蛋，如果喺呢個時候跳上車，查實同跳入火爐一樣咁危險，尤其是對生理有別於成年人嘅小朋友，唔係誇張，以下就話你知炎夏嘅高溫車廂對小朋友有幾危險！
記者：黃婉冰
攝影：譚盈傑
Model：Justin&Irene
車廂溫度10分鐘升10℃半個鐘可奪命
「幾分鐘好快啫，唔緊要啦。」
年中有唔少兒童，因父母有以上謬誤而焗死於車廂之中。根據外國資料統計，在全球各地都發生過不少類似的死亡個案，其中美國在6年內就已經有125名兒童因大人的疏忽而在車中焗死，台灣、香港亦時有發生，尤其是好似現時呢種酷熱天氣，車廂在太陽高溫下，溫度會在短時間內急升，讓兒童獨留在一個又焗又熱的車廂中15分鐘，他們會因而脫水和中暑。
氣象學家JanNul表示，汽車在33℃高溫下暴曬10分鐘，車廂溫度就會升至43℃，半小時後，溫度就高達59℃，由於小朋友的生理結構和新陳代謝與大人不同，若然獨留兒童在這個又焗又熱的車廂中，他們就會出現脫水、中暑的情形，嚴重的更會導致死亡。
泊露天要幫車廂做好防曬
唔想上到車好似坐火爐咁，最好方法就梗係盡量避免將架車泊喺露天太陽會直接照射得到嘅地方啦，如果真係要泊，最好揀個樹蔭位，若然連樹蔭位都無，咁就要同架車做好防曬準備，以下有幾個方法，可以有效減低車廂溫度，亦可幫車廂即時降溫嘅小法寶！
打開車窗一樣危險 兒童陷阱逐個數
車廂在陽光直接照射下，每一個部份，好似軚盤、波棍、玻璃窗、中控台、皮椅等，都會變得燙手，如果獨留小朋友在車廂中，他們可能會貪玩因而觸及這些「高熱」部份而造成燙傷，所以咪以為行開短短幾分鐘會無咩事，其實車廂陷阱重重，家陣就逐個數畀你睇！
另類危險：20磅以下兒童忌獨坐Carseat
除車廂度要注意外，唔好以為將BB塞入「BabySeat」就好安全，其實1歲以下或體重不足20磅的小童要坐在後面座位，不能手抱，坐在兒童「安全座椅」時，要面向車尾坐，咁樣就算發生碰撞或突然停車，都唔會對其頸部造成嚴重傷害。此外，若然是三胞胎的話，安全座椅最好分別安在中間和後排的兩邊座位，再用安全帶綁緊，分別要由大人陪伴，有意外時，大人亦可作出適當的保護。
BB嘔奶瀨屎高溫下更臭
BB坐車最怕係嘔奶同「臭臭」，加上車廂高溫，搞到一陣味，地毯仲吸收晒所有臭味，除臭唔係咁易。要有效「驅臭」，普通車用香薰只係暫時性，以下兩款車廂除臭用品可能仲有用。
售賣點：
(a)台日汽車精品店（23924244）
(b)JCShop（31022783）
