姚珏結婚多年，育有兩女兒，許多事都因而變得實在、生活化。筆者記得多年前訪問鋼琴家李雲廸，他表示閒時會打乒乓球，訓練速度、反應與集中力。
那姚珏雙手又如何？她哈哈大笑說：「結婚前，我好小心隻手，唔會用手拎重嘢，乜嘢都由人哋拎，怕手指、手掌冇感覺；做咗媽咪，買餸、拎書包全部都要做。」她續說：「𠵱家我仲有好多要學，仲有好多挫折呀，點樣平衡家庭生活同音樂，要滿足啲細路，但係又唔可以縱壞噃！」
乖女做實驗品
近年姚珏創辦了以自己名字命名的天才音樂學校，培育音樂人才，原來她曾以自己的女兒做實驗，大女5歲拉琴，細女兩歲半開始，發現後者起步較慢，但進步神速，證明愈早學愈好，她說：「年紀愈細，感覺更敏銳，早啲準備就進步得快、學得好，就算將來唔做專業（小提琴手），都可以培養成興趣。」稍後她更會籌辦供兩歲以上小童入讀的小提琴playgroup。