禽獸不如　巴士非禮無人敢嘈

http://www.youtube.com/watch?v=66pC3AgbvZI

睇到呢段短片，真係火到嚟，有個衰人響澳門巴士上公然非禮，但唔知點解無人幫手，個網友話影低咗男人個樣，等大家去澳門見佢一鑊，打佢十鑊。
短片全長三分鐘，據引言指出，呢部係前往拱北關口嘅新福利巴士，開頭見到個女仔坐響巴士嘅單邊位，有個男人就企響旁邊，而個男人趁住人多逼逼吓，竟然用件西裝擋住，隻手就……嘩，摸咗落去呀。
片中所見，呢個男人連續兩次就係咁做，而個女仔可能年紀太輕，唔識得反抗，所以就唔出聲，只係將個身挨前，好似想避開男人隻手咁。雖然拍攝嘅網友無出聲，但其實響短片53秒嘅時候，佢曾經用隻手指指個男人，令個男人知難而退。呢種巴士非禮其實好常見，各位如果見到，記得舉報，如果唔係，受害者就會好陰功，你自己亦好難過。