倪震和周慧敏近年喜歡高調晒恩愛，可是昨日有雜誌報道倪震背着女友送花和狂以電話短訊冧無綫姐仔陳穎妍。上月11日，當周慧敏與古巨基拍攝MV時，男友則獨自到跑馬地花店選購一束24支的粉紅玫瑰，事後駕車到陳穎妍何文田街寓所附近。
倪震昨日接受商台訪問時表示與女友周慧敏感情不變，並大晒幸福說：「最近可能幸福指數太高，佢哋都要做吓我喇！其實嗰紮花係買嚟畀我同Vivian（周慧敏）一個共同朋友嘅太太，嗰日係佢生日，我朋友都有落嚟接我。」
居於將軍澳
陳穎妍則澄清現居將軍澳，並非報道的何文田街，問到怎跟倪震認識？她說：「我哋之前合作過張玉珊嘅修身堂節目，我同佢唔熟，某次一位朋友約食飯就叫埋我去。我冇答過雜誌嗰啲訪問，佢哋亂作一通，我唔想呢啲無謂報道影響我聲譽、身邊嘅追求者，仲有倪生同女友周慧敏嘅關係。」
採訪：比華利