黎明日前聯同衞蘭、衞詩、杜汶澤和應昌佑等到紐約拍攝音樂電影《緣邀之音》，今次黎明負責執導，其間遇到不少困難，他還以「走地雞」形容自己，皆因經常要走來走去兼搬搬抬抬，身形因而變得健碩，杜汶澤表示黎明一做導演，說話即時變得明快。 紐約直擊
黎明（Leon）應公益金之邀請擔任音樂電影《緣邀之音》（AMelodyLooking）導演，本月初便聯同衞蘭（Janice）、衞詩（Jill）、應昌佑、杜汶澤以及新人Emily到紐約拍攝，該電影會於11月上映，收益全數捐贈公益金。
肚屙兼失內褲
前日Leon去到當地CroatianRomanCatholicChurch取景，他透露只用了三日度劇本，今次執導遇到不少困難，最令他氣結的是一間租場地的公司竟然坐地起價，他說：「明明傾好咗一個價，點知臨時要加兩萬美金（約16萬港元）。有日租好晒嘢拍Janice嘅戲份，點知佢又肚屙，惟有改拍第二啲嘢先。」
當記者指Leon身形變得結實時，他立即將自己比喻為「走地雞」，他笑說：「我日日喺場景走嚟走去，行嘅路都不知多過香港幾多，成日搬搬抬抬，想肥都幾難。」
工作人員抵達美國時，有15件行李遺失了，要到第三日才取回所有行李，Janice說：「我同阿Jill嘅內衣褲都寄失咗，機場方面每人賠70蚊美金（約600港元）畀我哋買日用品。」阿Jill則說：「過關時個海關問我做乜，咁我答佢我係歌手，點知佢話為咗要證明我係歌手，要我即時唱幾句歌畀佢聽。」
做導演變簡潔
杜汶澤帶同太太田蕊妮到紐約，阿澤則大讚黎明拍攝認真，他說：「黎大導拍嘢時講嘢同平時好唔同，平時佢講一句嘢講好耐，但做導演講嘢變得明快、肯定同簡潔。」
採訪、攝影：李珮洳
