牛佬，當然指波牛。過去足球員予人波牛形象，近鄉下佬。中產、文化工作者及學者都與他們劃清界線，出入距離甚大。但今天波牛升格變球星，家財千萬十分平常，豪使情況比流行歌手、荷李活影星有過之而無不及。不過，他們畢竟還是運動員，仍須有一份剛健的精神，若太似二世祖，惹來負面新聞是肯定的。
僅較欣賞碧咸嫂
今天的球星靚仔咗好多，打扮與image近似model，又比一般model自然。不過，他們的老婆們卻未見得也連隨升格，牛佬不再是牛佬，但牛婆卻繼續好土。
所以個人較喜歡碧咸嫂維多莉亞，因為她起碼見過江湖跑慣碼頭，上過台、唱過歌、做過客席model，人又生得惡，外套架生十分有型。但唔該睇睇朗尼女友，就是粗、俗、暴發的代名詞。
其他巴西、西班牙、意大利……嘩嘩啦啦的牛婆們面貌氣質一樣牛，即使本來做model、做演員，但比她們的球星男友卻更粗、更不堪。
鄧達智
以出色品味穿梭時裝界，對足球熱愛始終如一。