【本報訊】由於港隊出線亞洲盃保持希望，原先決定告別港隊的蔣世豪，考慮戰罷9月6日主場對烏茲別克的第4輪外圍賽後，才正式退出香港隊。
在周三的亞洲盃外圍賽作客烏茲別克，爆冷以2:2追和、搶得1分的港隊，昨日從北京乘機返港。賽前宣布踢罷該仗便退出港隊的蔣世豪，形容這場為經典賽事時說：「呢場波我哋一致被睇淡，所以踢得好放，完全無壓力。可能係呢個原因，個個球員都好容易發揮水準，而且特別拼搏同齊心；我覺得用呢場波告別港隊，應該算係一個完美結局。」
主場對烏軍後告別
不過，港隊目前在亞洲盃保持出線機會，教練黎新祥表示希望挽留蔣世豪，帶領港隊角逐餘下分組賽。對此「豪豬」說：「黎Sir開到口叫我留隊，佢係我恩師，所以一定要幫。不過今次真係最後一場，踢埋9月6日對烏茲別克嘅比賽正式告別港隊。其實我都想講清楚，黎Sir喺我心目中係全香港最佳教練，外間成日因為港隊冇成績而要炒佢魷，我覺得好唔公平。」
現時效力愉園的蔣世豪補充說：「香港足球實力有幾高，大家心知肚明。要我哋同高水準嘅球隊比較，輸咗就鬧教練鬧球員，所以我一早對香港球迷死心，呢個亦係我退出港隊嘅原因之一。」