今日繼續五注出擊博大霧，喺周六晚賽事揀四瓣似層層有分頭項目過關，咪錯過行橫財運良機。
格拉斯哥流浪今季換咗法國籍新領隊拿古恩領軍，拿古恩雖挾曾帶領里昂贏過法甲聯冠軍威名，但當時其實係接手辛天尼及其他前人為里昂奠定嘅王朝霸業根基，係咪真係有冠軍教頭嘅料子都好難講。
馬賽對辦「2球」有保障
「格流」今季打咗3場聯賽，只得1勝2和，周末主場迎戰呢兩季崛起嘅赫斯，一於吼客隊勝，博赫斯贏2:1波膽。
周六法甲聯早場波有歐塞爾主場對馬賽，呢個時段嘅法甲聯「獨腳戲」，經常出現正路戰果；睇今季馬賽表現對辦過歐塞爾，相信佢哋今仗肯定有分落袋，但唔玩「主客和」，敲「總入球」「2球」，各一言和或者馬賽淨贏兩粒都當中！
到夜啲開波嘅法甲聯賽事，南特主場對特魯瓦算係實力最接近嘅一場對賽，兩軍開季兩戰同得1和1負，今番碰頭大大個「和」字浮上面，呢啲熱得嚟都有番5倍咁上下嘅1:1波膽咪錯過。
另一場色當主場對索察，估計色當因首輪主場迫和馬賽，今仗對手索察又走咗幾件好手，似乎無過去咁韌，色當貪勝好易輸埋，決吼「半全場」「客客」。文：華度