按香港法例規定，羅湖站出入境大堂九號樓梯只准羅湖村村民及有通行證人士使用。早前有市民遺留重要文件於深圳海關，要求使用九號樓梯從羅湖車站折返，遭九廣鐵路職員阻止。
讀者翁先生說：「7月初我公幹完由羅湖返香港，點知過晒關，去到車站閘口，同事先發覺內有重要文件嘅行李，漏咗喺華界海關嗰邊。為咗慳時間，就諗住直接由車站樓梯，落番去出境大堂返過去，點知樓梯口就有九鐵嘅職員守住，唔畀我哋落樓梯，叫我哋去客戶服務部查詢。」
翁先生覺得九鐵職員有心刁難，「客戶服務部嘅職員，好決絕咁話唔畀我哋行條樓梯，如果要返大陸嗰邊，要先經上水折返，於是我話要投訴，擾攘一輪，佢先畀我用條通道去深圳海關！但放行前就要登記晒我啲個人資料，同睇我證件，話費事我濫用。」
視乎情況酌情處理
九廣鐵路回覆，根據香港《公安條例》第245章，羅湖站被定為邊界禁區，基於口岸保安理由及照顧羅湖村村民進出羅湖站需要，自2004年12月開始，由香港警務處、入境事務處、香港海關及九鐵代表組成的羅湖管理委員會，決定嚴格執行只容許羅湖村村民及持有有效通行證人士使用，連接羅湖站出入境大堂九號樓梯的規定，並由九鐵執行。
九鐵方面強調，乘客如遇緊急情況需折返香港或深圳，可向站內職員提出，站長會個別考慮。翁先生的個案，職員當時已酌情處理，並依九鐵附例所賦予之權力，登記有關乘客之資料。
檔案編號：0728036