何韻詩昨日往銅鑼灣出席手錶活動時自爆因籌備個唱致經期不準，打算看中醫治理。阿詩主動談及楊千嬅過檔東亞，身為東亞旗下藝人的她表示無任歡迎，並指鄭秀文、千嬅與她三人的風格不相同，應不會有衝突。
何韻詩昨日往銅鑼灣時代廣場出席ArtTheWorldwithSwatch活動，同場有色彩繽紛的行為藝術表演者演出，阿詩並獲大會送贈限量版腕錶，她賣口乖說：「我細個時都有儲Swatch嘅，喺當時嚟講都算幾貴。」
勁擦林建岳鞋
身為東亞唱片旗下藝人的阿詩主動提起有傳楊千嬅以4,000萬過檔其公司一事，她說：「我都係以觀眾同讀者身份睇呢段報道。」
若此事屬實，問阿詩會否怕公司分散資源，各藝人所獲資源會被分薄？她說：「我會以輕鬆心情去面對呢件事，如果多一個新成員加入都係好事。我初初加入時都覺得lonely，後嚟Sammi（鄭秀文）加入，都幾好吖，而且老闆（林建岳）係一個好慷慨嘅人，佢好支持創作，基本上冇乜干涉我哋，只要我哋唔太離軌就得啦，而且我哋三個人（指她、Sammi及千嬅）風格都唔同，應該唔會有乜嘢衝突嘅。」
籌備個唱傷身
阿詩還透露為了籌備個唱傷神，健康出現不少問題，她說：「唔知係咪多嘢諗，呢排成日失眠，晚晚瞓得四、五個鐘，朝早七點就彈起身，又瘦咗，連經期都唔準㖭，我打算睇中醫一次過調理。」
採訪、攝影：HoWingNing
