一個成年人沖涼都會俾熱水燙傷？有！佢就係巴甲保地花高門將艾斯科霍盧比斯。話說佢比賽完喺更衣室沖涼，點知冇熱水供應，好多隊友嗱嗱臨沖凍水走人。跟住到盧比斯沖嗰陣，啲熱水突然湧番出嚟，結果兜頭淋落佢塊面度。隊醫話盧比斯屬於二級灼傷，起碼要唞成個月，佢仲諗住告當地水務署㖭！