本港商場近年競爭愈趨激烈，各大發展商為催谷人流，紛紛重整商戶組合，令很多小商戶被淘汰出局，在大角嘴新九龍廣場經營時裝店的郭小姐，就是汰弱留強下的犧牲品。
郭小姐雖有心理準備，明年約滿後，大業主新鴻基地產（016）便不再跟她續約，但萬料不到，對方竟突然提前解約兼收舖，擺明「大石壓死蟹」，毫無人情味可言。
「聽講新地想重組個商場，所以好多行家今年約滿之後，都冇得再續租。本來我都有心理準備，諗住明年約滿後就搵地方搬，但估唔到佢哋會咁絕，𠵱家就要我走，又唔畀任何賠償，咁對我好唔公平啫。」郭小姐氣憤難平說。
第一次創業的郭小姐，05年6月1日，以月租4500元，向新地承租新九龍廣場其中一個面積約160方呎舖位，經營時裝生意，雙方簽訂兩年租賃合約，合約期至07年5月31日。
提前解約無賠償
惟今年5月中旬，合約尚未滿1年，郭小姐便突然收到新地通知，要求跟她提前解除合約，並限她今年9月尾遷出，令郭小姐大感意外。「佢哋都冇好詳細解釋，總之一句話有權咁做，就要我搬走，搞到我失晒預算。」
蝕生財工具及裝修
郭小姐指出，她花了不少錢裝修店舖、添置生財工具，而且還積壓了不少存貨，如今新地一聲令下，說要收回舖位，她至少損失5萬至6萬元。
「老實講，呢個場本身唔算旺，我預咗第一年要守，慢慢儲客，第二年先諗回本，但𠵱家俾新地咁搞法，我乜嘢計劃都冇晒。」
郭小姐曾經多番嘗試與新地交涉，但也不得要領，對方態度強硬，更擺出一副「冇偈傾」的姿態。「總之大商家講乜就乜啦，佢哋話畀足3個月通知就可以叫我走。我想問﹕如果掉番轉頭，我畀足3個月通知佢哋，咁我又係咪可以提前解約，唔使賠錢吖？」郭小姐反問。
新地傳訊部發言人表示，該公司一切是「依法辦事」，而有關行動，亦只為配合新九龍廣場即將進行翻新工程，目的是進一步提升商場質素，為消費者締造一個更佳的購物環境。
發言人指出，根據該公司與郭小姐簽訂的店舖租約，其中一項條文清楚列出︰「商場業主有權給予不少於3個月之書面通知，收回其舖位以進行翻新工程」，而該公司職員與郭小姐簽訂租約前，已清楚解釋合約的主要條款，當中包括上列之相關條文。
發言人續稱，公司已於06年5月17日以書面通知郭小姐，其店舖合約將於06年9月30日終止，鑑於收回店舖的決定和安排，均有法律依據，故此，公司未能向有關租戶作任何賠償。
合約條文只保障業主
不過，新地的解釋，卻和郭小姐的版本有很大出入。「合約條文全部寫英文，我唔識睇，但事實係佢哋嘅職員冇同我解釋過，呢點有第三者可以證明，如果我知道有呢項條文，唔通仲咁蠢簽約咩！」郭小姐說。
惟郭小姐坦言，新地財雄勢大，她根本無得鬥，如今只好減價清貨，盡量將損失減至最低。「經過今次教訓，我以後開舖都唔會再揀大商場，因為呢啲大商家真係一啲人情味都冇！」
