【本報訊】馬會主席夏佳理卸任在即，展望來季，面對澳門賭場來勢洶洶，他承認香港賽馬事業將會承受更大衝擊。為了挽救投注額，他提議讓海外賭客投注香港賽馬及六合彩；至於賽馬固定賠率派彩的方案，則暫時擱置。
夏佳理將於本月底離開馬會，如果還有包袱要執的話，那個包袱就是江河日下的賽馬投注額。他在離任前接受訪問時承認，賽馬博彩正面對日益嚴峻的挑戰：「賽馬式微係全世界趨勢，因為其他娛樂愈嚟愈多，競爭好大，包括澳門方面。其實香港賽馬入場馬迷數字唔係好差，只不過大家都賭細咗。」
澳門賭場愈來愈壯大，未來一、兩年陸續有拉斯維加斯式的賭城級度假村落成，就任馬會主席四年的夏佳理認為，「啲人去澳門嘅心態唔同，唔止賭錢咁簡單，而係一家大細去玩。馬會本來都可以咁做，准許父母帶細路入場，但係政府同團體都有意見。」
固定賠率派彩暫難實現
為了賽馬投注額止瀉，夏佳理向繼任人建議，把香港博彩產品出口。意思是，與海外博彩機構合作，讓澳洲、新加坡等外地賭客可以投注香港賽馬及六合彩，而馬會則從中抽佣，以彌補每下愈況的投注額，「事實上，澳洲同新西蘭𠵱家都有畀國民投注香港賽馬，只不過係投注入佢哋嘅內部彩池，而唔係我哋彩池。」
立法會已通過《博彩稅修訂條例》，馬會新一季將可向每注萬元或以上的大戶提供回扣，更可視乎需要加入新彩池或固定賠率派彩。但夏佳理昨日透露，固定賠率派彩暫時很難實現。因一旦實行固定賠率，就不再是按彩池派彩，而是馬會與客戶對賭。競賽小組裁定賽果時，就有可能存在利益衝突：「舉例講，有場賽事，兩隻馬叮噹馬頭，要影相定輸贏，如果董事決定比較冷門嗰隻勝出，就會畀人質疑，係唔係故意造成一個對馬會有利嘅賽果？」
最自豪撥款建防護中心
2002年履新至今，夏佳理任內最自豪的功績不是引入足球博彩、不是改革博彩稅制，而是於2003年撥款5億元給政府，成立監控傳染病的衞生防護中心，「當時政府部份人有反對意見，質疑有冇咁嘅需要。我哋馬會開咗30分鐘會議就通過決議。」
