旅行團臨時取消已然掃興，有讀者不滿旅行社退款時，部份團費以現金券代替，似有迫人繼續光顧之嫌。
讀者呂小姐一家四口，原定一起前往廣東省旅遊，卻在出發前兩天接獲通知該團已取消。她說：「我喺7月1號去康泰報咗個7月26號出發嘅珠海三日團，團費加埋約一千七百幾蚊，有兩百蚊係用另一間公司發出，可以通用於旅行社嘅現金券代替。點知到咗24號晚，就收到康泰職員電話，因為唔夠人，臨時取消個團。」
出發前夕未能成團
呂小姐不滿太遲通知及旅行社的善後安排。她說：「有乜理由咁遲先通知，搞到成家人失晒預算。其中兩百蚊係畀番旅行社嘅現金券，咁即係迫我繼續幫襯佢啫，既然報團嗰陣，現金券都可以當錢用，𠵱家佢哋臨時取消旅行團，就應該連呢兩百蚊都退番錢畀我！」
康泰旅行社回覆本報查詢，指旅行團因團隊人數不足未能成行，深感抱歉。但已按香港旅遊業議會，就廣東省內線旅行團之指引，於出發前一天（不包括通知日及出發日）通知呂小姐未能成團，並提供轉團及退團等選擇，有關細則亦詳列於訂位表格背面。
由於呂小姐部份團費，以有效期至7月12日及列明不可兌換作現金的商場現金券支付，所以安排退團時，呂小姐原有之現金券已然失效，故以旅行社的旅遊禮券代替，並將有效期延長至2006年12月31日。
檔案編號：0726031