獲得第18屆金馬獎最佳影片、1980年上映的電影《假如我是真的》，不但令譚詠麟得到影帝殊榮，更揭露了國內部份權貴以權謀私的社會現象。譚飾演的下放工人李小璋，為了看戲冒充副總參謀長的兒子，怎料戲班團長竟視李為貴人，為他介紹其他官員，而李亦順勢提出各種要求，最後當然被揭發定罪，但有意利用小李「權貴身份」的一眾官員卻無罪赦免。
要求佐證免被騙
犯罪學家黎定基表示，假冒名人犯罪的個案，在依附權貴心態重的地區較易出現，「中國人有一個常見嘅心態，就係做乜都好講關係，如果你識得一啲權貴嘅話就易辦事，乜都可以疏通疏通，覺得你係大人物就威啲，同你一齊有着數，或者好容易就借錢畀你，所以都算係名牌效應嘅。」
對於案中罪犯被內地偵查機關形容為「智能型的詐騙團夥」，黎定基認為只是普通的行騙伎倆，「佢呢招喺內地資訊唔發達、民智水平唔高，法治又唔健全嘅地方先用得着。唔通喺香港，你話係阿邊個嘅姪孫就有人信你咩？𠵱家啲名人後代個個都被傳媒廣泛報道，想呃都呃唔到。」至於如何避免被騙，就是別隨便信人，要求對方提出佐證。