估唔到日本國腳都要受二手煙之苦，事緣係有12名國腳球員因放假遲歸隊，日前要坐火車到新潟備戰今日亞洲盃外圍賽對也門，但因日本足總臨急無法買到非吸煙區嘅頭等車票，所以班球員焗住坐吸煙區車卡，結果全程吸二手煙，門將川口能活事後投訴點解安排咁差，日本足總只好向球員道歉。