有無睇近嚟最hit嘅電影《龍虎門》？我平時真係好少睇打打殺殺嘅片，但因為導演係葉偉信，所以我都睇咗。呢個導演除咗靚仔（佢都拍過戲做演員㗎，雖然無乜演技，哈哈。）佢唔同題材嘅電影都拍過，好似同樣係動作片嘅《殺破狼》、靈異嘅《迴轉壽屍》、愛情小品《大城小事》、警匪片《爆裂刑警》等等，全部都有自己嘅特色。
雖然佢拍咗咁多唔同類型嘅電影，但我覺得都有一個共通點，就係總係有一種淡淡嘅無奈，每個角色都好似有難言之隱咁。為咗了解多啲呢個導演，我約咗幾個朋友，8月18日星期五晚七點半，去香港電影資料館，參加佢嘅「畫外音：葉偉信」座談會，聽吓佢講創作心得。
因為免費入場，座位有限，所以大家最好好似我咁，打電話去問吓27342900，仲有無位剩先。
逄周一至周四刊出