大部份少女到沙灘都會穿三點式，大晒青春性感，不過2R自爆至今未穿過比堅尼暢泳，原因不是怕別人的眼光，而是怕游水時被水沖甩帶，所以她們買了一大堆三點式只穿來襯衫。
姊妹組合2R的黃婉君（Rosanne）和黃婉伶（Race）身段均勻，穿起三點式應該很好看，但原來她們至今未穿過比堅尼到沙灘暢泳，日前Rosanne說：「我哋由細到大都未着過三點式去沙灘㗎，因為細細個爸爸就教我哋，游水一定要着兩件頭或者一件頭泳衣，若果着咁少布嘅三點式，只會俾水沖甩，咁係游唔到水㗎，所以我哋就冇着過三點式。」
裸泳度蜜月
雖然家教森嚴，2R卻喜歡穿三點式行街，不過只是用來襯衫。Race說：「我哋覺得好多三點式都好靚，所以買買埋埋好多，但都只會用嚟打底，一定唔會着去游水。」Race又謂到沙灘暢泳是件樂事，不過在香港的沙灘游泳不能放鬆心情，因為每分每秒都擔心被狗仔隊偷拍，故此每年暑假她們都會返新加坡享受日光浴。
Rosanne笑言只有一個人有眼福欣賞其身段，就是將來的丈夫，她說：「我諗住第時honeymoon同老公去小島租一間resort，喺房入面有自己嘅私人泳池，到時我可能會裸泳都唔定，因為兩公婆就冇所謂啦。」Race則堅拒裸泳，覺得度蜜月應該穿性感美麗的比堅尼，才能帶給丈夫一個驚喜。
採訪：李珮洳 攝影：陳俊強
髮型：Wing@HairCulture
服裝提供：SistyrMoon
