今個禮拜嘅周中國際友誼賽，其中最為特別嘅相信會係英格蘭對希臘；點解？因為英格蘭無咗「萬人迷」碧咸！當然仲有嘅係新領隊上任，同戰術上嘅改變。先講希臘，作為兩年前嘅歐洲國家盃冠軍，兩年後嘅今日，連神奇教練列哈格都走埋，球隊已經面目全非，再次變番一支歐洲三流球隊；今次作客估計會繼續沿用過往嘅成功模式，全軍死守，再博死球趁亂執雞。講真呢支希臘守和當贏波，唔需要同你去搏。
泰利鎮後防博0失球
至於英格蘭就唔同講法，新官上任仲要夠膽踢走碧咸，唔贏波會好麻煩，但無咗呢個老大哥，陣容其實都唔算完整，朗尼同祖高爾都因傷唔能夠上陣。前鋒有高治，但無咗碧咸嘅準繩傳中就無咩作用。關鍵再次落在林柏特同謝拉特身上，既要進攻又要回防，如果兩人的位置搞不好又變成重叠，非常難搞。唯一最好嘅係後防，泰利升任新隊長，使命感作用下，應該可保不失球。
林柏特「首球」有得諗
𠵱家立博嘅亞洲盤係主隊讓一球低水，我估下盤機會唔大，但係賭波為贏錢，要贏就贏最多，英格蘭贏多過一球又唔多睇好。從以上各種因素嚟睇，最好嘅投注方式就係入球「細」，另外可以博吓林柏特取得「首名入球」。