現在記憶卡價錢跌得咁誇張，不過唔知有幾多人買卡嘅時候，都會睇埋張卡嘅速度呢？最近就喺討論區，見到有人問到用部PocketPC，當插張快卡好似80×咁，會唔會對軟件效率有所提升？首先就有回應提到，其實PocketPC無論對記憶卡讀定係寫，都好慢，所以用起上來可能唔覺會有咩分別，所以唔一定買貴卡咁話。不過再來有位仁兄可謂講出重點，快卡雖然操作時唔覺點快，不過當拎番出來抄歌抄片時，必定唔會令人等到變化石，如果諗住放1GB以上嘅嘢，真係千萬唔好諗2MB/s嗰啲慢卡，隨時等足10分鐘以上！綜合各方網友意見，都係唔好慳少少錢，買張快卡會玩得過癮啲。
記者：許福合