早幾晚響灣仔告士打道發生15車連環相撞意外，據報頭車要閃避切線車輛而急煞，尾隨14部車或因跟車太貼而先後發生碰撞；查實呢類意外發生的原因，大可歸咎於部份駕駛者切線時唔打燈，以及跟前車太貼有關。
根據運輸署統計數字顯示，2005年全港共發生了15,062宗交通意外，當中涉及沒有正確地發出信號去表明行車意向、不小心轉換行車線等數據加埋，合共有1,193宗，至於行車時太貼近前面車輛一項，更多達1,916宗。或者你會話，加埋都未夠總數一半，使乜理呀？如果你咁講我就真係打巴你！道路安全係要靠全港市民去維持，少一個人也不可以，所以大家開車需要切線時，記得要打燈話畀人聽你想點；另外我希望嗰啲逢車必推的司機大佬（尤其係車上載有乘客的的士司機），唔該你哋顧吓其他人安全，若果前車有事要急停，你肯定收掣不及撞埋去，到時咪盞浪費金錢兼時間，謹記兩秒守則，行車一定安全得多。
記者：鄭達基
參考數據： http://www.td.gov.hk/FileManager/TC/Content_184/05fig3.7c.pdf