香港街道狹窄，偏偏有不少商戶罔顧公德，將貨物枱椅擺放在公眾地方，阻礙行人出入，亦影響環境衞生。近日有讀者分別投訴九龍不同地點，有商戶霸路情況。
個案一：何先生不滿旺角廣華街一家茶餐廳，長期佔用附近公眾地方。「好多wargame友，經常都喺呢間茶餐廳聚腳，餐廳裏面唔夠位用，就將啲枱櫈長期擺晒出街，後巷仲衰，仲要嚟洗碗洗菜，搞到經過嘅人好唔方便，仲孳生蟲蟻惹老鼠。」
食環署回覆稱，接獲本報投訴後，即派員到現場視察，證實有關食肆佔用舖外行人路與橫巷，並已就此作出檢控。不過，食環署巡查附近地方後，並未發現蟲鼠孳生迹象。
檔案編號：0712043
三個月七宗檢控
個案二：讀者伍先生投訴稱，深水埗汝州西街與永明街交界行人路，常被大牌檔佔用。「呢度好多工廠大廈，食飯同下午茶時間都有好多行人，大牌檔為咗多做生意，成日將枱櫈擺出行人路，馬路邊又放滿貨物同單車，迫路人行出馬路，好危險啫！」
食環署回覆稱，一向關注上址熟食小販市場大牌檔造成阻塞的問題，過去三個月，已向違例大牌檔發出7宗檢控。經本報轉介伍先生投訴後，隨即再到上址巡查，發現有5間大牌檔造成阻塞，食環署已即時提出共5宗檢控。檔案編號：0712042
個案三：居於佐敦的房先生，不滿德成街一間超級市場，經常把大量貨物放在行人路上，阻礙居民出入。「我都明白佢哋要補貨，但都唔好堆晒喺條路，搞到人都行唔到！應該推入超市裏面。」
食環署回覆稱，曾派員到上址巡查，見該超市員工正在馬路上落貨，已即時勸喻負責人將貨物搬回舖內，以免造成阻塞。因有關問題涉及街道管理，故亦已將個案轉介予運輸署及警方跟進。
檔案編號：0707034