要揀香港島潮流集中地，非銅鑼灣莫屬！男士們來到消暑娛樂，而女士們購物為先，佢哋目標就係銅鑼灣的各大潮舖。大家想知道來季興啲乜？夏天襯咩衫最好？今日就即刻帶大家巡巡銅鑼灣金百利，睇睇潮爆靚女Sales點樣襯靚Look！女孩子更可以借鏡偷師！
記者：羅灝汶
攝影：梁俊鵬、羅灝汶
Fu （24歲）
服裝：銅鑼灣金百利約$900
耳環：朋友送、唔知幾多錢
銀包：PatrickCox（生日禮物，唔知幾多錢）
太陽鏡：生日禮物，唔知幾多錢
自己點襯、來季興乜：「夏天襯衫一定要舒服，而且要Colourful，盡量揀收腰款式，衫褲不宜太長。今年夏天都好興白色，要揀一些輕身同薄嘅質料。入秋之後就會好興卡其色褸跟大鈕扣，外國好多雜誌都開始煲緊，大家不妨留意一下。」
Cathy （22歲）
服裝：銅鑼灣金百利Madeintheearth約$800
戒指：Swarovski$1,900幾
手鏈：周生生 $6,000幾
手鐲：利時$200幾
太陽鏡：RayBen$600幾
自己點襯、來季興乜：「最緊要個人感覺舒服、得體，我自己就鍾意襯SharpColour，盡量襯番自己身形同氣質揀合心水衣物，我自己夏天會着Casual背心加涼鞋，入秋後都係以深色牛仔褲為主而且要SlimCut，應該會好好睇。」
阿敏 （19歲）
服裝：銅鑼灣金百利EffendiVivendi約$1,000
戒指：VivienneWestwood（唔記得幾多錢）
手錶：銅鑼灣約$500
手鏈：Tiffany&Co.$1,000幾
銀包：VivienneWestwood$2,000
自己點襯、來季興乜：「我自己就算夏天都會主打黑色，因為屬於個人喜好，我會主張比較斯文打扮，最緊要切合自己形象。來季應該都會以深沉色為主力，始終入秋後都唔使太Colourful。」
Salina （18歲）
服裝：銅鑼灣金百利EffendiVivendi約$1,000
頸鏈：朋友送、唔知幾多錢
戒指：VivienneWestwood$2,000
銀包：Gucci$1,700
自己點襯、來季興乜：「個人比較喜歡Rock啲嘅打扮，夏天都會以深色Top示人，配襯首飾、頸鏈點綴一下已經可以好好睇，入秋後我認為一如以往都係深色打扮為主，長褸應該會幾興。」
陳小姐 （18歲）
服裝：銅鑼灣金百利約$600
鞋：Converse泰國買$149
手錶：Casio金錶銅鑼灣買約$200
銀包：朋友送、唔知幾多錢
自己點襯、來季興乜：「CasualLook係我自己最愛，Tee加牛仔褲已經好好睇，根本連飾物都可以唔戴，來季興啲乜？對於我來講都係牛仔褲襯長Tee，一切以簡約為上。」
鄭小姐 （19歲）
服裝：銅鑼灣金百利約$800
耳環：銅鑼灣金百利$200
手鐲：銅鑼灣金百利$300
銀包：銅鑼灣金百利（唔記得幾多錢）
自己點襯、來季興乜：「夏天我自己最鍾意係沉色撞SharpColour，CasualLook已經好好睇，有時可以襯吓涼鞋，來季鞋款會好興鬆糕鞋。厚底或者船踭鞋，顏色可以揀Sharp啲，到時女仔個個可以高多3、4吋喇。」
Colour （21歲）
服裝：銅鑼灣金百利約$1,000
戒指：Tiffany&Co.$1,750
手錶：購自銅鑼灣（朋友送）
手鏈：Tiffany&Co.（朋友送）
銀包：Gucci（朋友送）
自己點襯、來季興乜：「我哋公司都係主打沉實OL嘅服裝，夏天都會係深沉為主，例如黑配白就最受歡迎。未來入秋最緊要多Layer，衣服要配襯到一層層嘅感覺就Fit晒喇。」
秋冬大褸襯鬆糕鞋
翻開最新日本時裝雜誌，都不難發覺，今年時裝走勢就係走70年代風，大玩卡其色配襯大鈕扣，再加上一對鬆糕鞋，不過顏色都係以卡其/棕色色系為主，襯上一條窄褲，相當之復古！姊妹們準備轉季要參考吓！
