提到今次停職風波，森美小儀均表示視此為寶貴的一課，森美說：「時間過得好快，老實講我冇乜唔開心，冇乜特別心情，因為要忙舞台劇嘅嘢，呢兩個月嚟我都冇休息，我要自己更努力做好啲，我將感受放晒喺個劇入面。」
精神壓力大
他續說：「個劇嘅故事係講一班馬戲團嘅人，想做最好嘅演出，放番喺社會問題嚟睇，可以引伸香港人精神壓力好大，大家不如放鬆啲啦，唔好咁執着。」
小儀則說：「件事一開始頭嗰幾日，我冇諗過會有咁嘅反應咪唔開心囉，講咗對唔住後都未平息到，當時有記者打嚟問我，你知唔知係刑事罪㗎？我先知大件事。我有反省過，諗過點面對，錯就真係錯咗，咪積極啲囉，希望一切照舊，件事令我哋學懂顧其他人感受，明白有啲事你覺得冇嘢，但有啲人可能有唔好嘅經歷，會好hurt。」