【本報訊】「有人會買靚衫畀隻狗着，有人幫隻狗美容。我身為設計人，梗係要帶領潮流啦，所以就諗到幫金仔（愛犬名稱）做手辦。」設計師黃麗珊（Amy）初則為愛犬做紀念品，後來更開班授徒，教人創作寵物公仔。別小覷這門手藝，晉身寵物設計師不但要付出數千元學費，更須無限愛心。 記者：蔡元貴
設計師Amy給愛犬金仔做了很多個手辦，近似度宛如蠟像館裏作品。先講述金仔的身世，牠出世後被狗販在街上兜售，一個男孩子以100元買牠回家，但很快將牠遺棄街頭。有坪洲居民發現金仔，收養了牠，一次要求Amy暫充當金仔保母。怎料日久生情，當金仔送回原主之後，Amy捨不得，把金仔湊回家，正式收養了牠。
用油泥雕塑而成
有一天，Amy突想到為金仔做手辦模型，「呢個構思係有感而發，我養狗已經16、7年，對狗愈來愈有感情，慢慢就會諗下，可以為隻狗做啲乜？有人會買靚衫畀隻狗着……我身為設計人……諗到幫金仔做手辦。」
手辦用油泥雕塑而成，過程中須留意愛犬的一舉一動，人狗之間感情更進一步；愛犬日後不幸離去，也有個不凡的紀念，「好多人鍾意同隻狗影相留念，但係張相始終係透過一部機器記錄落嚟，點都唔及得親手做個手辦來得有心意。」
新課程周末開班
Amy去年起更開班教人做寵物手辦。金仔的手辦形神俱似，屬寫實版，其中一個學生Lisa的作品，則與別不同，屬印象派卡通版。台灣人Lisa從事寵物美容生意，一次在台北義務為政府狗房打理待養的流浪狗，結識了土狗（台語中的唐狗）斑斑，「我去探狗時候，斑斑好乖咁向住我搖尾。我走去邊度，佢都跟住我。」
Lisa參加了手辦創作班後，為斑斑設計獨一無二的手辦，學了30小時才滿師，「最難係上色，用咗三個鐘，少啲愛心都冇法子完成。」新一期手辦課程本周末開班，現時仍接受報名。